Ymddygiad gwrthgymdeithasol yw unrhyw beth sy’n achosi – neu a allai achosi – aflonyddwch, braw neu ofid i bobl eraill. Gall gynnwys:

• Sŵn uchel neu gyson
• Cam-drin geiriol
• Dychryn pobl neu’u bygwth
• Fandaliaeth neu ddifrod i eiddo
• Cam-drin cyffuriau neu alcohol
• Tipio sbwriel yn anghyfreithlon neu adael sbwriel mewn ardaloedd a rennir.

Efallai y bydd rhai pethau’n annifyr, ond ni fyddant yn cael eu hystyried yn ymddygiad gwrthgymdeithasol. Er enghraifft:

• Synau’n ymwneud â bywyd pob dydd, megis sŵn rhywun yn cerdded, drysau’n cau neu blant yn chwarae
• Partïon neu farbeciws yn awr ac yn y man
• Ffyrdd gwahanol o fyw neu anghytuno sy’n digwydd unwaith yn unig

Rydym bob amser yn annog cymdogion i siarad yn bwyllog â’i gilydd yn gyntaf os oes modd.

Gallwch roi gwybod i ni am ymddygiad gwrthgymdeithasol mewn sawl ffordd:

• Drwy eich cyfrif yn Fy nghyfrif ateb
• Drwy lenwi ein ffurflenni ar-lein
• Dros y ffôn ar 0800 854 568
• Drwy anfon ebost i [email protected]
• Wyneb yn wyneb drwy siarad â’n Cydlynwyr Tai.

Os yw’r mater yn ddifrifol neu’n golygu bod trosedd wedi’i chyflawni, dylech gysylltu â’r heddlu ar 101 neu ar 999 mewn argyfwng.

Byddwn yn gwrando arnoch ac yn ymchwilio i’r broblem. Yn dibynnu ar beth ddigwyddodd, mae’n bosibl y byddwn:

• Yn ymchwilio i’ch cwyn
• Yn siarad â’r bobl dan sylw
• Yn gweithio gyda’r heddlu neu wasanaethau cymorth
• Yn cynnig help megis gwasanaeth cyfryngu neu gymorth.

Byddwn yn rhannu’r wybodaeth ddiweddaraf â chi’n gyson ac yn ceisio dod o hyd i ateb.

Mae pob achos yn wahanol. Mae modd datrys rhai achosion yn gyflym, tra gall eraill gymryd mwy o amser – yn enwedig os oes angen i ni gasglu tystiolaeth neu weithio gydag asiantaethau eraill. Byddwn yn rhannu’r wybodaeth ddiweddaraf â chi’n gyson.

Nac oes – ond rhaid i’r person yr ydych yn cwyno amdano fod yn un o gwsmeriaid ateb. Os nad yw’n gwsmer i ateb, dylech gysylltu â’ch cyngor lleol yn lle hynny.

Gallwch. Ond os na fyddwch yn rhoi eich enw, ni fyddwn yn gallu rhannu’r wybodaeth ddiweddaraf â chi na chymryd rhai camau gweithredu. Mae hefyd yn ei gwneud yn fwy anodd casglu tystiolaeth. Os byddwch yn rhoi eich manylion, ni fyddwn yn eu rhannu heb eich caniatâd.

Os bydd rhywun yn gwneud cwyn amdanoch, byddwn yn cysylltu â chi i glywed eich ochr chi o’r stori. Byddwn bob amser yn edrych ar y ffeithiau ac yn ceisio bod yn deg. Os nad oes yna unrhyw dystiolaeth o ymddygiad gwrthgymdeithasol, mae’n bosibl y byddwn yn dal i gynnig cyngor er mwyn helpu i ddatrys y sefyllfa.

Ni fyddwn yn dweud wrth y person hwnnw mai chi a wnaeth, oni bai eich bod yn rhoi caniatâd i ni wneud hynny. Bydd eich enw’n cael ei gadw’n breifat. Weithiau, fodd bynnag, mae’n bosibl y bydd yn amlwg pwy wnaeth y gŵyn, yn enwedig os yw’r ymddygiad wedi effeithio ar un person yn unig. Os na fyddwch am i ni siarad â’r person arall, bydd hynny’n cyfyngu ar yr hyn y gallwn ei wneud.

Byddwn yn siarad â phawb dan sylw, ac mae’n bosibl hefyd y byddwn yn gweithio gyda’r heddlu neu wasanaethau eraill. Os oes angen, efallai y bydd eich achos yn cael ei drosglwyddo i Dîm Gorfodi’r gymdogaeth, a fydd:

• Yn casglu tystiolaeth drwy ddyddiaduron, datganiadau a gwaith monitro sŵn
• Yn gweithio gydag asiantaethau eraill
• Yn uwchgyfeirio achosion difrifol gan ddefnyddio ein proses orfodi ar gyfer tenantiaeth.

Gallwn:

• Roi rhybuddion llafar neu ysgrifenedig
• Trefnu contractau ymddygiad
• Israddio tenantiaeth ddiogel.

Dim ond yn niffyg popeth arall ac mewn achosion difrifol neu barhaus y byddwn yn mynd â phobl i’r llys ac efallai’n eu troi allan o’u cartrefi. Bydd yr hyn a wnawn yn dibynnu ar y sefyllfa a’r dystiolaeth.

Cyfryngu yw pan fydd person annibynnol yn eich helpu chi a’ch cymydog i drafod pethau er mwyn dod o hyd i ffordd o symud ymlaen. Mae’n drefniant gwirfoddol a chyfrinachol, ac yn aml gall atal pethau rhag gwaethygu.

Yn achos problemau sy’n ymwneud â sŵn rheolaidd neu uchel, gallwch roi gwybod amdano gan ddefnyddio’r Ap Sŵn. Sicrhewch eich bod yn cofrestru gyda’ch awdurdod lleol yn gyntaf, fel bod eich cyfeiriad wedi’i gysylltu â’r ymddygiad gwrthgymdeithasol y byddwch yn rhoi gwybod amdano.

Mae’n bosibl hefyd y byddwn yn gofyn i chi gadw dyddiadur sŵn er mwyn ein helpu i ddeall pa mor aml y mae’n digwydd a pha mor ddifrifol yw’r broblem.

Mae’n anodd i ni weithredu heb dystiolaeth. Mae cadw dyddiadur yn helpu i ddangos pa mor aml y mae’r ymddygiad yn digwydd a pha mor ddifrifol yw e’. Gallwch lawrlwytho ein templed ar gyfer dyddiadur digwyddiadau yma.

Dim ond y tîm sy’n ymdrin â’ch achos fydd yn gweld eich dyddiadur fel rheol. Os bydd angen cymryd camau cyfreithiol, byddwn yn gofyn i chi am ganiatâd cyn defnyddio’r dyddiadur yn y llys.

Dim ond pe bai’r sŵn yn poeni person cyffredin o ddifri y bydd llysoedd yn fodlon gweithredu. Mae’n debyg na fydd digwyddiadau a gynhelir unwaith yn unig, megis parti, yn cyfrif. Ceisiwch siarad â’ch cymydog yn gyntaf—efallai nad yw’n sylweddoli ei fod yn swnllyd.

Os na fydd hynny’n gweithio, rhowch wybod i ni ac mae’n bosibl y byddwn yn gofyn i chi gadw dyddiadur sŵn am o leiaf bythefnos er mwyn ein helpu i asesu’r broblem.

Ni fyddwn yn ymdrin â phroblemau parcio oni bai eu bod yn golygu bod amodau tenantiaeth yn cael eu torri. Os oes ceir yn achosi rhwystr ar ffyrdd cyhoeddus, cysylltwch â’r heddlu. Os oes car heb ei drethi, wedi’i adael yn rhywle neu’n beryglus i’w yrru ar y ffordd, gallwch roi gwybod amdano ar dudalen Cyngor Sir Penfro ar gyfer adrodd am broblem.

Siaradwch â ni. Y cyfan yr ydym am ei wneud yw deall y sefyllfa a chlywed eich ochr chi o’r stori. Gallai anwybyddu’r broblem arwain at gamau gweithredu pellach, felly gorau oll os gallwn drafod y sefyllfa.

Gallwn, ond dim ond mewn achosion difrifol neu hirdymor. Byddwn bob amser yn ceisio datrys y sefyllfa drwy gynnig cymorth, rhoi rhybuddion, neu ddarparu gwasanaeth cyfryngu yn gyntaf.

Byddwch yn realistig – nid yw rhai pethau megis sŵn pob dydd yn cael eu hystyried yn ymddygiad gwrthgymdeithasol. Ond os ydych yn teimlo ei bod yn ddiogel i chi wneud hynny, ceisiwch siarad â’r person dan sylw yn gyntaf.

Os nad yw hynny’n helpu, llenwch ein ffurflen ar-lein ac fe ymchwiliwn ni i’r mater. Mae’n bosibl y byddwn yn gofyn i chi gadw dyddiadur o’r hyn sy’n digwydd dros gyfnod o ryw bythefnos.

Gallwch. Yn ogystal ag ymchwilio i’r mater, gallwn hefyd eich cyfeirio at wasanaethau cymorth os ydych yn ei chael yn anodd ymdopi ag effaith ymddygiad gwrthgymdeithasol. Rhowch wybod i ni sut y mae’n effeithio arnoch.

Os na fydd pethau’n gwella, mae’n bosibl y byddwn yn uwchgyfeirio’r achos. Gallai hynny olygu rhoi rhagor o rybuddion, cynnwys timau gorfodi, neu hyd yn oed gymryd camau cyfreithiol os oes raid.

Os ydych mewn perygl, ffoniwch 999. Os ydych yn teimlo’n anniogel yn eich cartref oherwydd ymddygiad gwrthgymdeithasol, cysylltwch â ni’n syth. Byddwn yn gweithio gyda chi ac asiantaethau cymorth i helpu i’ch cadw yn ddiogel.

Yn ôl eich cytundeb tenantiaeth, rydych yn gyfrifol am eich ymddygiad chi ac am ymddygiad unrhyw bobl sy’n byw gyda chi neu sy’n ymweld â chi — gan gynnwys plant. Mae hynny’n berthnasol y tu mewn i’ch cartref, o amgylch eich adeilad neu’ch stryd, ac mewn ardaloedd cyfagos.