Mae cwsmeriaid yn Kensington Court wedi gweld eu mannau awyr agored yn cael eu gwella’r gwanwyn hwn, diolch i haelioni ein partner, FireRite.

Rhoddodd FireRite fagiau o gompost, amrywiaeth o blanhigion, ac offer garddio er mwyn helpu cwsmeriaid i wneud yn fawr o’r ardaloedd awyr agored cyffredin ac ychwanegu ychydig o liw ar gyfer y tymor sydd i ddod.

Cafodd y rhodd ei chyflwyno gan Alex Mazaheri a Dan Evans o FireRite, a ymwelodd â’r cynllun i gefnogi’r prosiect ac i dreulio amser gyda’r cwsmeriaid wrth iddynt fynd ati i blannu.

Yn rhan o’n proses dendro, rydym yn annog contractwyr a chyflenwyr i gynnig budd cymunedol a gwerth cymdeithasol ystyrlon. Drwy weithio gyda’n gilydd, gallwn greu atebion gwell o ran byw ar gyfer pobl a chymunedau’r gorllewin.

Nid dyma’r tro cyntaf i FireRite gefnogi ein cymunedau. Cyfrannodd y cwmni’n flaenorol i rafflau Nadolig yn Kensington Court, ac mae wedi parhau i ddangos ei ymrwymiad i gefnogi cwsmeriaid mewn ffyrdd ystyrlon.

Mae cydweithio’n agos â phartneriaid y mae ein cymunedau’n bwysig iddynt yn gwneud gwahaniaeth go iawn, ac rydym yn ddiolchgar am y gefnogaeth barhaus y mae FireRite wedi’i dangos i’n cwsmeriaid yn Kensington Court.

Diolch o galon i bawb yn FireRite am helpu i greu lle croesawgar a lliwgar i gwsmeriaid ei fwynhau drwy gydol misoedd y gwanwyn a’r haf.

Cyhoeddwyd 01/06/2026